Австралияда собиқ UFC жангчиси отиб ўлдирилди — полиция бу қотилликни буюртма деб ҳисобламоқда

Ҳодиса 8 октябрь куни маҳаллий вақт билан тахминан соат 18:00`да содир бўлган. Воқеа жойига етиб келган полиция ходимлари 33 ёшли спортчининг ўқ сабаб жиддий жароҳат олганини аниқлаган. Тез тиббий ёрдам ходимларининг уринишларига қарамай, Мохтарян воқеа жойида вафот этган.

Дастлабки маълумотларга кўра, бу мақсадли ҳужум бўлган. Гувоҳларнинг хабар беришича, отишмани содир этган шахс қизил рангли Audi машинасида қочиб кетган.

Бу жангчининг ҳаётига иккинчи суиқасд эди – 2024 йилнинг февралида ўз спорт зали ёнида Мохтарянга қарата курьер қиёфасидаги қуролли шахс ўт очганда спортчи ҳужумдан омон қолганди. У 2018 йилда UFC'да иккита жанг ўтказган эди.