Аёллар жамоамизнинг машғулоти якуни сари яқинлашмоқда

Анатолий Ибрагимов ва Ахмед Кагарманов мураббийлигидаги эркин курашчи қизларимиз кунига икки маҳалдан машғулот ўтказишяпти. Бугун икки ҳафталик машғулотлар ўз якунига етади ва терма жамоамиз аъзолари 6 январга қадар таътилга чиқишади. 

Агар ҳаммаси жойида бўлса, январь ойида Украинанинг Киев шаҳрида халқаро ўқув-машғулот йиғини ўтказиш режалаштирилган. Шу йиғин орқали қизларимиз Қозоғистонда ўтказиладиган Токио Олимпиадасининг лицензион турнирига тайёргарлик кўришади.