12 июл 10:09
Янгиликлар

Спорт курашлари

Аёллар кураши жамоамиз Осиё чемпионатида 4 та медалга эга чиқди

Қирғиз Республикаси пойтахти Бишкек шаҳрида спорт курашлари бўйича U20 ёш тоифасидаги Осиё чемпионати давом этмоқда.

Қитъа биринчилигининг навбатдаги куни аёллар кураши бўйича беллашувлар ташкил этилди. Ўзбекистон терма жамоаси қизлари якунда 1 та кумуш, 3 та бронза медалига сазовор бўлишди.

Финалга қадар етиб келган Нилуфар Нурмуҳаммадова (-50 кг) Осиё чемпионлиги учун кечган беллашувда япониялик Маи Огавага имкониятни бой бериб, кумуш медаль билан тақдирланди.

Нигина Собирова (-62 кг), Муҳайё Нарзиллоева (-65 кг) ва Севинчой Полвонова (-76 кг) Осиё чемпионатининг бронза медалига сазовор бўлишди.