Азалий қарама-қаршилик давом этади: Конор Макгрегор Хабиб Нурмагомедовни реванш жангига чорлади

Икки вазнда UFC собиқ чемпиони, ирландиялик Конор Макгрегор Хабиб Нурмагомедовнинг гапларига жавоб қайтарди.

Хабиб Нурмагомедов шогирдларининг ютуқлари ҳақида гапирар экан, "Узоқ вақт олдин бир йигит: "Ҳокимиятни эгаллаш учун келдик", - деб айтган эди. Лекин ҳокимиятни эгаллаш учун биз келдик", - деб айтиб ўтган эди.

Бу изоҳ кутилганидек Конор Макгрегорга ёқмади:

"Мен жанг қилишда давом этаман! Отангнинг режаси ҳеч қачон амалга ошмайди, чунки сен қочиб қолдинг, оғайни. Худо паноҳида сақласин сени. Агар хоҳласанг, мен ҳали ҳам шу ердаман. Аммо мағлубиятдан қўрқиш, сен аллақачон ютқазганингизни англатади. Ундан хоҳлаганингча қоч. Ҳаммамиз охир-оқибат ютқазамиз. Ўлим ҳаммамизни олиб кетади. Худодан бошқа ҳеч нарсадан қўрқмайман", - деб ёзган Макгрегор.

Нурмагомедов шунингдек Торонтодаги нутқи давомида ММАга қайтиш нияти йўқлигини ва мураббий сифатидаги ролидан мамнун эканлигини айтган.

Conor McGregor fires back at Khabib Nurmagomedov's diss: 'I'm still here if you wanna go again' https://t.co/g31LQrYKZG

— MMA Junkie (@MMAJunkie) November 21, 2022