Азамат Мурзакановга илк мағлубиятни тақдим этган Пауло Коста узр сўради

"Мен руслар ҳақида бир нечта ёмон гапларни айтдим ва энди бундан афсусдаман. Улардан нафратланмайман. Шунчаки менинг сўзларим нотўғри талқин қилинди. Албатта, мен хатога йўл қўйдим, бу менинг айбим эди - мен руслардан нафратланишимни айтдим, лекин аниқ одамлар ҳақида гапирдим, масалан, тўлиқ рус эмас, балки чечен бўлганлар ҳақида, аммо бу битта мамлакат. Аслида мен русларни яхши кўраман. Улар ажойиб одамлар, уларнинг баъзилари билан мулоқот қиламан ва бирга машғулот ўтказаман. Шунинг учун мени кечиринг, рус дўстларим. Мен сизнинг кетма-кет иккинчи жангчингизни енгдим ва умид қиламанки, учинчиси – чечен очофати бўлади. Кўрамиз, нима бўлишини, лекин мен билан ярим оғир вазнда жанг қилишга журъати етади деб ўйламайман. Аммо у буни қилишни хоҳласа, мен шу ердаман", - деди бразилиялик Коста. 

Жангдан кейинги матбуот анжуманида журналистлардан бири Коста тез орада камар учун даъвогарлар қаторига кириши мумкинлигини таъкидлади, чунки ярим оғир вазн тоифасида янги чемпион Карлос Улберг тадбирнинг асосий жангида Иржи Прохазкани нокаутга учратишидан олдин тиззасидан жароҳат олган эди. "Боррачина" бунга жавобан ярим оғир вазн тоифасида қолишга тайёрлигини билдирди.

"Мен шу ердаман. Агар Дана Уайт, Хантер Кемпбелл ва Мик Мейнард қизиқарли жанг таклиф қилишса, мен тайёрман. Мен катта имкониятларни қидиряпман. Катта, қизиқарли жанглар, шов-шувли қарама-қаршиликлар - мен шунинг учун бу ердаман", - деб жавоб берди бразилиялик спортчи.