14 окт 07:41
Янгиликлар

Бокс/ММА

Азамат Нуфтиллаев рақибидан 11 кг енгил тош босди

Бизнинг вақт билан эртага тонг саҳарда АҚШнинг Лас-Вегас шаҳридаги UFC Apex аренада Дана Уайт даъвогарлар серияси турнири бўлиб ўтади.

Биз учун аҳамиятлиси, UFC шартномаси ўйналадиган мазкур турнирда оғир вазн тоифасидаги аралаш яккакураш устамиз Азамат Нуфтиллаев сербиялик Йован Лекага қарши октагонга чиқади. Ғолиб дунёнинг энг кучли лигаси жангчисига айланади.

Ҳар икки жангчи расмий тарозидан ўтиш ҳамда face to face маросимларида иштирок этишди. 31 ёшли ҳамюртимиз 106,1 кг, 23 яшар Лека эса 117,4 кг тош босди.

Маълумот учун, Азамат Нуфтиллаев фаолияти давомида 19 та жанг ўтказиб, 17 ғалаба, 1 мағлубият ва 1 та дуранг қайд этган. Йован Лека ҳисобида эса 10 ғалаба ва 2 мағлубият бор.