17 фев 08:41
Янгиликлар

Футбол

Азар навбатдаги жароҳатдан тикланди

Теглар : Азар

Мадриднинг "Реал" клуби ўйинчиларнинг жароҳати сабаб юзага келган инқироздан чиқишни бошлади.

Яқиндагина бош мураббий Зинедин Зидан фақатгина 12та майдон ўйинчисига ишонч билдириши мумкин эди. Кеча умумий гуруҳдаги машғулотга 3 февралдан бери навбатдаги жароҳатини тиклаётган бельгиялик ярим ҳимоячи Эден Азар қўшилган.

Азар чекловларсиз тўп билан ишлади, аммо куч ва чидамлилик талаб қилинадиган машқларни бажармади. Футболчининг "Вальядолид"га қарши ўйинда захирада қолиши кутилмоқда.

30 ёшли Эден Азар жорий мавсум 13та ўйинда майдонга тушиб, 3та гол уришга эришди.