26 авг 16:00
Янгиликлар

Теннис

Азаренко Нью-Йоркда 1/4 финалга чиқди

АҚШнинг Нью-Йорк шаҳрида ўтказилаётган "Премьера" сериясига кирувчи теннис турнири ўзининг қизғин палласига кириб бормоқда.

Дунёнинг собиқ биринчи рақамли теннис маликаси, ҳозирда рейтингнинг 59-поғонасидан жой олган Виктория Азаренко мусобақанинг чорак финалига йўл олди.

Беларуслик теннисчи 121 дақиқа давом этган баҳс якунида сайёрамизнинг 60-ракеткаси, франциялик Ализе Корнени мағлубиятга учратди - 6/4, 7/5. Ўзаро учрашувларда Азаренко энди 8:0 ҳисобида олдинда бормоқда.