04 янв 17:14
Янгиликлар
Бокс/ММА
Азизбек Темировнинг АҚШдаги илк жанги бекор бўлди
Ўзбекистонлик аралаш яккакураш устаси Азизбек Темиров фаолиятини океан ортида давом эттириши ҳақида хабар бергандик.
Темиров 11 январь куни АҚШнинг Калифорния штати, Лемор шаҳрида ташкил этиладиган LFA 199 турнири доирасида россиялик Магомед Шахбанов билан жанг қилиши керак эди.
Бироқ беллашув бекор қилинди. Бунга Азизбекнинг оёғидан жароҳат олгани сабаб бўлгани айтилмоқда.
LFA 199 турнирининг марказий жанги бразилиялик Ари Фариас ва Қозоғистон вакили Сабит Жусупов ўртасида кечади. Шунингдек, мусобақа доирасида россиялик таниқли поп-ММА жангчиси Шовхал Чурчаев ҳам LFA'даги дебют жангини ўтказади.
Маълумот учун, Азизбек Темиров фаолияти давомида 5 та жанг ўтказиб, уларнинг барчасида ғалаба қозонган.
Ҳавола :
Манба : olamsport.com
Фикрлар