Баҳодир, Ҳасанбой ва яна икки вакилимизда ғалабали чиқиш! Жаҳон чемпионатининг тўртинчи куни ҳам якунига етди

Бугунги кун доирасида тўрт нафар ўзбекистонлик боксчи жанг қилди:

Кундузги дастурда:

-63,5 кгда 1/16 финал жанги: Руслан Абдуллаев - Оер Ибаррече (Испания), (1-раундда ТКО).

Кечги дастурда:

-48 кгда 1/16 финал жанги: Шодиёржон Мелиқўзиев - Рабин Тапа (Непал), (Ҳакамларнинг якдил қарори билан).

-51 кгда 1/32 финал жанги: Ҳасанбой Дўсматов - Альберто Хименес (Мексика), (Ҳакамларнинг якдил қарори билан).

+92 кгда 1/16 финал жанги: Баҳодир Жалолов - Данис Латипов (Баҳрайн), (Ҳакамларнинг якдил қарори билан).

Шу тариқа, ўзбек боксчиларининг навбатдаги ғалабаларига гувоҳ бўлдик, ҳозирча йўқотишларсиз одимлаётган икки терма жамоа қолди: Ўзбекистон ва Куба.

МАТНЛИ ТРАНСЛЯЦИЯ


20:40. Баҳодир Жалолов рақибига ҳеч қандай имконият қолдирмаган ҳолда ғалаба қозониб, кейинги босқичга йўл олди. Шунингдек, ўзбек боксчиларининг ЖЧдаги муваффақиятли юришини ҳам давом эттирди.

20:35. Иккинчи раунд ҳам поёнига етмоқда. Бу раундда ҳам устунлик сақланиб қолинди. Аммо ҳаракатлар бироз секинлашди. Ҳисоб - 5:0.

20:31. Биринчи раунд якунланди, бўй ва қўл узунлиги Баҳодирга кескин устунликни тақдим этмоқда, бу ҳисобда ҳам акс этган - 5:0

20:26. Жалолов рингга чиқиб келмоқда. Унинг жанги старт оляпти.

20:15. "Big Uzbek" — Баҳодир Жалоловнинг жанги старт олишига саноқли дақиқалар қолмоқда.


19:04. Ҳасанбой Дўсматов мексикалик рақибини 5:0 ҳисобида мағлубиятга учратиб, 1/16 финал босқичига йўл олди.

18:59. Иккинчи раундда ҳисоб 4:1 кўринишида бўлди, умумий ҳисоб эса 4:0, ҳамюртимиз фойдасига.

18:54. Илк раунд якунланди. Бу раундда нокаут қайд этилиши мумкин эди, аммо унинг ўрнига нокдаун гувоҳи бўлдик, албатта ҳамюртимиз ижросида. Ҳисоб 5:0.

18:50. Ҳасанбой Дўсматовнинг Альберто Хименесга қарши жанги бошланди.

18:14. Шодиёрнинг чаққонлиги ва ажойиб ҳаракатлари сўнгги раундда ҳам давом этди ва бу ишончли ғалабани тақдим этди. Навбатдаги вакилимиз ҳам кейинги босқичда!



18:09. Иккинчи раундда ҳам ҳамюртимиз ўз устунлигини сақлаб қолди, Абдураҳмон Фозилов бошчилигидаги фан-сектор эса аренани "ёндирмоқда".

18:06. Илк раунд якунланди, 5:0, Шодиёр фойдасига.

18:01. Шодиёр Мелиқўзиевнинг непаллик рақибига қарши жанги старт олмоқда.

18:01. Айни дамда "Ҳумо Арена" ринглари шундай кўринишга келган.



15:25. Энди қарийб уч соатлик танаффусга чиқамиз. Шодиёр Мелиқўзиевнинг жангида кўришамиз)

15:11. "Нима бўлди?", - деяётганлар учун: Руслан Абдуллаев испаниялик рақибини илк раунддаёқ уйига жўнатишга қарор қилди. Абдуллаев нимчорак финалда!

15:06. Рингга ўзбек боксчиларининг бугунги иштирокини бошлаб бериш учун Руслан Абдуллаев чиқиб келмоқда.

14:45. Ассалому алайкум, қадрли мухлислар. Биз яна қайтдик. Бир неча дақиқалардан сўнг бокс бўйича Тошкентда давом этаётган жаҳон биринчилигида ўзбек боксчилари ўз юришларини давом эттиради.