Баҳодир Жалолов: "Дичко бу жанг орқали кўп нарса ютқазмаслиги мумкин, аммо мен..."

"Бу жанг қизиқ эмас деганда бошқа нарсани назарда тутгандим. Мени промоутерларим бор, барчасини улар ҳал қилади. 4-5 йил илгари кўп боксчилар, жумладан, Дичко, кубаликлар ва Жо Жойсга ҳам мағлуб бўлганман. Проф боксда ҳаммасидан реванш олсам, қанақа бўлади? Ҳамманинг ўз йўли бор, деб шу маънода айтдим. Қозоғистонликлар бу жангга шунчалик қизиқаётган экан, қандайдир пул тикадиган одам бўлса, бизга таклиф билан чиқсин, қабул қиламиз. Ҳамма нарса пулга боғлиқ бу вазиятда. Агар Иван бу эҳтимолий жангда мағлуб бўлса, кўп нарса йўқотмайди. Лекин бу оғир вазн тоифаси ва бу ерда биргина зарба кўп нарсани ҳал қилиши мумкин. Бу ҳолатда мағлубият орқали мен кўп нарса йўқотишим мумкин", деди Жалолов.

Баҳодир эртага Қозоғистонда украиналик Игорь Шевазуцкийга қарши рингга кўтарилади.