Баҳодир Жалолов: "Ҳеч қачон пул учун жанг қилмадим"

"Алҳамдулиллаҳ! Ҳаётимнинг 15 йилини ҳаваскор боксга бағишладим. Ҳар нарсани боши бўлганидек, якуни ҳам бор. Мана шу кун келди. Бу узун йўлда кўплаб танқидлар, гап-сўзлар бўлди, мен буларнинг ҳаммасидан тўғри хулоса чиқардим ва улардан куч олдим. 

Мен ҳеч қачон пул учун ҳаваскор боксда жанг қилмадим. Фақат ва фақат Ватаним байроғини юқори кўтариб, Олимпия ўйинларида Ватаним учун олтин медални олиб бериш учун ҳаракат қилдим. Алҳамдулиллаҳ, биз буни уддаладик. 

Бу йўлда мени қўллаб-қувватлаган барчага, Онамга, устозларимга ва яқинларимнинг барига миннатдорлик билдираман. Биз буни биргаликда уддаладик! Эндиликдаги мақсадим - профессионал боксда энг кучли бўлиш. Бу йўлни ҳам сизлар билан бирга забт этамиз. Сизларни қалбан яхши кўраман, яқинларим!", деб ёзди Жалолов.