Баҳодир Жалолов: "Икки-уч ой вақт берилса, Усик билан жанг қилишга тайёр бўламан"

"Мен ҳар доим жангга тайёр бўлган барча рақибларимни ҳурмат қиламан. Барчасини ринг кўрсатади. Мен тайёрман, катта жангларни интиқлик билан кутяпман. Мақсадим фақат чемпион билан катта жангларга чиқиш, бошқа йўл йўқ. Агар менга икки-уч ой вақт беришса, Усик билан жанг қилишга тайёр бўлардим, бу дўстона чақирув. Усик ва Жошуа билан кучимни солиштириш менга жуда қизиқ, чунки улар ҳам Олимпия чемпиони. Улар профессионал боксда катта муваффақиятларга эришдилар", деди Жалолов The Ring нашри мухбири билан суҳбатда.

Бугун тонгда Баҳодир Монреальда (Канада) франциялик Девид Спилмонт (16-8-1, 11 КО)га қарши жанг ўтказиши керак эди, бироқ ҳамюртимизнинг юз қисмида кичик ҳуснбузар мавжудлиги учун жанг бекор қилинди.