UZ

Сўнгги янгиликлар

19:22Ган Хокит билан реванш ҳақидаги саволга жавоб қайтарди 0 18:50"Мен кетишга тайёрман". Бруну Фернандеш танқидлар ва МЮдаги келажаги ҳақида гапирди 0 18:10Алекс Перейра: "Павлович ҳали бундай ўзига хос рақибга қарши жанг қилмаган" 0 17:29"Мен асосий даъвогарман. Махачев мендан қочди" - Карлос Пратес 0 16:52Диёра Келдиёрова Ута Абе билан солиштиришлари ҳақида: "Бу ҳудди Месси ва Роналдуни таққослагандек" 0 16:14Моуринью "Реал"нинг навбатдаги рекордини ўрнатди 0 15:30UFC’нинг япониялик жангчиси Алмабаев устидан қозонилган ғалабадан кейин узр сўради ва кейинги рақибини танлади 0 14:19Рамазон Темиров Хоригучини жангга чорлади 0 13:13Қозоғистон президенти ўзбекистонлик боксчига фуқаролик бериш тўғрисидаги фармонни имзолади 0 12:30ОЧЛ. “Ал-Ҳилол” Фарғонага тўрт футболчисисиз келди 0 11:21Мераб Двалишвили навбатдаги жангини қачон ўтказишга тайёр бўлишини айтди 0 10:30Иржи Прохазка нокаутли мағлубиятини изоҳлади 0 09:59Бугун Жаҳон чемпионатининг аралаш жамоавий беллашувлар ўтказилади. Ўзбекистонда жиддий рақиб! 0 09:28"Арсенал" мағлубиятдан қутилиб қолди 0 08:57Иржи Прохазка - Навахо Стирлинг жангига ММА оламининг муносабати 0

15 июн 16:01
Янгиликлар

Бокс/ММА

Баҳодир Жалолов Олимпиадада асосий рақиблари ким бўлишини айтди

Осиё бокс конфедерацияси матбуот хизмати Ўзбекистон терма жамоаси аъзоси Баҳодир Жалолов билан интервьюни тақдим этди.

Ўзбекистон бокс федерацияси матбуот хизмати ушбу интервьюнинг ўзбек тилидаги вариантини эътиборингизга ҳавола қилади. 

"Бу сафарги тайёргарлик ҳам доимгидек яхши ўтди. Мусобақанинг даражасидан қатъи назар, ишга доимо жиддий ёндошамиз. Уч ой ичида бир неча маротаба формага кириш осон эмас. Осиё чемпионатида мен 70 фоиз куч билан ишладим. Мен Олимпия ўйинларида 100 фоиз куч формада бўламан. 

Осиё чемпионатидаги муҳит менга ёқди. Барча объектлар бир жойдалиги учун ҳам бизга транспортлар керак бўлмади. Вазн ўлчаш, овқатланиш, техник учрашувлар ва бошқа жиҳатлар спортчилар учун қулай қилиб тузилганди. 

Биз барча рақибларимизни ҳурмат қиламиз. Уларни кучли ва тажрибали спортчилардеб ҳисоблаймиз. Қозоғистон, масалан кучли бокс мамлакати. Мўғулистон ҳам яхши жамоа, бу сафар Ҳиндистон бизга анча яқин келди. 

Бу қозоғистонлик рақибим - Камшибек Конкабаевга қарши 7-жангим бўлди. Баҳс доимгидек қийин ўтди. Бу сафар жисмонийдан кўра, кўпроқ психологик кураш кечди. Ўзимга бўлган ишонч юқори эди, чунки охирги иккита мусобақада уни мағлубиятга учратгандим, хеч кимга мағлуб бўлмаётгандим. Сўнгги ойларда рухий тайёргарликка ҳам катта эътибор қаратмоқдаман. 

Олимпия ўйинларида ғолиб бўлишни орзу қиламан ва шу сабабли Токиодаги Олимпиадага 100 фоиз кучим билан тайёрланаман. Бошқа хеч қандай турнир ёки йиғинга бормаймиз. Ўзбекистонда баҳсларга тайёргарлик кўрамиз. 

Токиода мен учун Қозоғистон, Россия, Куба ва Австралия боксчилари асосий рақиблар бўлади. Аммо юқорида таъкидлаганимдек, вазн тоифамдаги барча спортчиларни кучли рақиблар деб ҳисоблайман. Олимпия ўйинларидан сўнг жаҳон чемпионатида қатнашмоқчиман, кейин эса кўрамиз", - деди Баҳодир Жалолов. 

Рейтинг: +1   

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг