24 сен 12:39
Янгиликлар

Бокс/ММА

Баҳодир Жалолов россиялик рақибига қарши жанги учун рус боксчиси билан тайёрланмоқда (ФОТО)

Проф бокснинг супероғир вазн тоифасида ҳаракат қилувчи ўзбекистонлик Баҳодир Жалолов октябрь ойи бошида навбатдаги жангини ўтказади.

У 6 октябрь куни Россия Федерациясининг Санкт-Петербург шаҳрида ташкил этиладиган проф бокс оқшоми доирасида россиялик Виталий Кудуховга қарши рингга кўтарилади.

Жалолов айни кунларда ушбу жанг учун Санкт-Петербург шаҳрининг ўзида машғулот олиб бормоқда. Спарринг жараёнларида Баҳодирга тажрибали рус чарм қўлқоп устаси Сергей Кузьмин ҳамроҳлик қиляпти. Кузминнинг ўзи ҳам 6 октябрь кунги оқшомда жанг қилади.

Маълумот учун, Баҳодир Жалолов проф фаолияти давомида ҳозирга қадар 15 та жанг ўтказиб, уларнинг барчасида ғалаба қозонган. Виталий Кудухов ҳисобида эса 7 та ғалаба ва 3 та мағлубият бор.