Баҳодир Жалоловнинг жанги тўлиқ давом этди. Баҳс давомида нокдаун ҳолати қайд этилди

Ҳамюртимиз Қозоғистоннинг Астана шаҳрида бўлиб ўтаётган бокс оқшоми доирасида украиналик Игорь Шевазуцкийга қарши рингга кўтарилди.

10 раунд этиб белгиланган жанг тўлиқ давом этди ва якунда Жалолов очколар ҳисобига кўра ғалаба қозонди. 

Баҳснинг учини раунди давомида Баҳодир рақибини нокдаун ҳолатига солиб қўйди.

Мусобақа Жалолов ҳамкорлик қиладиган Top Rank промоутерлик компанияси томонидан ташкил этилмоқда.

Бугунги жангдаги муваффақият орқали 30 ёшли Баҳодирнинг ғалабалари сони 15 тага етди. Аввалги ғалабаларнинг барчаси муддатидан олдин қўлга киритилганди. Спортчининг ҳисобида ҳозирча бирорта мағлубият ёки дуранг мавжуд эмас.

34 яшар Шевазуцкийнинг проф рекорди эса бугунги баҳсдан кейин 12-3 кўринишига келди.

Қайд этиш жоиз, Игорь бундан олдинги ҳар икки мағлубиятини фаолиятида тўқнаш келган энг тажрибали рақибларидан қабул қилиб олган. У 2023 йил апрель ойида Польшада ташкил этилган бокс оқшоми доирасида WBO собиқ чемпиони, конголик Мартин Баколега техник нокаут орқали мағлуб бўлади. 2024 йил март ойида эса Игорь болгариялик таниқли Кубрат Пулев билан жанг қилган ва очколар ҳисобига кўра имкониятни бой берганди.