Баҳодир, Шоҳжаҳон пастлаган WBC рейтингида Исроил ва Шаҳрам кўтарилди + ПОСТEР

Бутунжаҳон Бокс уюшмаси январь ойи учун янгиланган рейтингни эълон қилди. Декабрь ойида рейтингдан чиқарилган Элнур Абдураимов ТОП-40 га қайтди

Шу тариқа, рейтингда 11 нафар чарм қўлқоп устамиз ўрин эгаллади. 

Уларнинг жойлашган ўринлари билан танишинг:

Супероғир вазн: Баҳодир Жалолов ўтган ойдаги ўрнига нисбатан 1 поғона пастлаб, 15-ўринга жойлашди;

Супер ўрта вазн тоифаси (76,2 кг): Азизбек Абдуғофуров 1 поғона пастлаб ва 12-ўринга жойлашди; Бектемир Мелиқўзиев эса 24-ўринни банд этди, ўтган ойда у 26-поғонада эди;

Супер ярим ўрта вазн (69,8 кг): Исроил Мадримов 2 пўгона юқорилаб 6-ўринга жойлашди;

Ярим ўрта вазн (66,6 кг): Қудратилло Абдуқаҳҳоров ўтган ойдагидан 1  поғона кўтаилиб 17-ўринга жойлашди; Шаҳрам Ғиёсов 19-ўрин, Ғиёсов ўтган ойда 21-ўринда эди;  Жамшидбек Нажмитдинов 30-ўринда, боксчимиз ўтган ойда 29-поғонада кўрсатилган эди;

Супер енгил вазн (63,5 кг): Шоҳжаҳон Эргашев 13-ўринда қайд этилди, боксчимиз ўтган ойда 11-ўринни банд этиб турганди, Ботир Аҳмедов 1 поғона юқорилаб 21-ўринга жойлаштирилди;

Супер ярим енгил вазн (58,9 кг): Элнур Абдураимов рейтингга қайта киритилиб 39-ўринга жойлаштирилди;

Биринчи ўта енгил вазн (48,8 кг): Ҳасанбой Дўсматовнинг ўтган ойдагидан 1 ўрин кўтарилиб 12-ўринни банд этган.