Баҳодирда муддатидан олдин, қолганларда ишончли ғалабалар! Жаҳон чемпионатининг еттинчи кунида жанг қилган барча боксчиларимиз ғалаба қозонишди!

Бугунги кун доирасида тўрт нафар ўзбекистонлик боксчи жанг қилди:

Кундузги дастурда:

1. -57 кгда 1/8 финал жанги: Абдумалик Халоков - Чарли Сениор (Австралия), (Ҳакамларнинг якдил қарори билан)
2. -75 кгда 1/16 финал жанги: Аълохон Абдуллаев - Менгянг Жао (Хитой), (Ҳакамларнинг якдил қарори билан).

Кечги дастурда:

3. -51 кгда 1/16 финал жанги: Ҳасанбой Дўсматов - Саид Муртажи (Марокаш), (Ҳакамларнинг якдил қарори билан)
4. +92 кгда 1/8 финал жанги: Баҳодир Жалолов - Теремоана Теремоана (Австралия), (2-раунд, КО-ТКО).

Шундай қилиб, икки боксчимиз чорак, яна икки боксчимиз нимчорак финал масаласини ҳал этди. Ўзбекистон терма жамоаси ҳозирча биргина йўқотиш билан қолмоқда. Қозоғистон термасида эса бугун Сакен Бибиоссинов ўз иштирокини якунлади.

МАТНЛИ ТРАНСЛЯЦИЯ


20:22. НОКАУУУУТ! Баҳодир Жалолов рақибини муддатидан олдин тугатди! Чорак финалда кўришгунча, Камшибек!

20:19. Биринчи раунд якунланди, кичик устунлик Баҳодир Жалоловда. Ҳисоб - 5:0, Жалолов фойдасига.

20:16. Баҳодир Жалолов ва Теремоана жанги бошланди.

19:36. Яна иккита жангдан сўнг Б рингида Баҳодир Жалолов иштирокидаги жанг бошланади.


19:09. Жанг якунланди. Ҳасанбой Дўсматов марокашлик Саид Муртажини енгиб, нимчорак финалга чиқди.

19:05. Иккинчи раунд ҳам аввалгиси сингари ҳамюртимизнинг назоратида ўтди. Ҳисоб яна 5:0.

19:01. Биринчи раунд ниҳоясига етди. Ҳисоб 5:0, кутганимиздек Ҳасанбой фойдасига.

18:58. Ҳасанбой Дўсматовнинг марокашлик рақибига қарши жанги старт олди.

18:38. Яна бир бор хайрли кеч дўстлар. Бизда кечги дастурдан ўрин олган жанглар аллақачон старт олди. Яна битта тўқнашувдан сўнг Ҳасанбой Дўсматов иштирокидаги жанг бошланади.

17:13. Аренада бир соатлик танаффус эълон қилинди.



16:53. ҒАЛАБА! Аълохон Абдуллаев бироз қийин кечган жангда хитойлик рақибини енгиб, нимчорак финал масаласини ҳал қилди.

16:48. Иккинчи раунд ҳам якунланди. Ҳисоб 5:0, Аълохон фойдасига. Жанг жуда очиқ ўтяпти.

16:45. Илк раунд якунига етди, Абдуллаевда устунлик, ҳисобда ҳам - 4:1.

16:38. Аълохон Абдуллаев рингга чиқиб келмоқда. Ҳамюртимизга илк жангида омад тилаймиз, у терма жамоамизнинг энг ёш боксчиси ҳисобланади.

16:21. Яна битта жангдан сўнг Аълохон Абдуллаев жаҳон чемпионатидаги иштирокини бошлайди.


15:28. Абдумалик Халоковда навбатдаги чиройли ғалаба, ҳамюртимиз чорак финал чиптасини нақт қилди.

15:24. Иккинчи раунд ҳам тугади, ҳаммаси аъло. Ҳисоб ҳам - 5:0.

15:20. Илк раунд якунига етди, ҳисоб 5:0, Абдумалик фойдасига.

15:17. Халоков иштирокидаги жанг бошланди.

14:57. Яна битта жангдан сўнг Абдумалик Халоковнинг австралиялик рақибига қарши жанги старт олади.

14:15. Ассалому алайкум, қадрли бокс мухлислари. Бугун жаҳон чемпионатининг еттинчи кунидан ўрин олган жанглар бўлиб ўтмоқда. Бугунги кун доирасида тўрт нафар боксчимиз рингга чиқади. Биринчи бўлиб Абдумалик Халоков жанг қилади. Бухоролик боксчимизнинг жанги тахминан 40 дақиқадан сўнг бошланади.