13 апр 17:37
Янгиликлар
Спорт курашлари
Баҳромов Осиё чемпионатининг кумуш медали совриндори
Қозоғистоннинг Олмаота шаҳрида спорт курашлари (эркин, юнон-рум ва аёллар кураши) бўйича Осиё чемпионати давом этмоқда.
Ҳозиргина қитъа чемпионатининг юнон-рум кураш баҳсларида дастлабки вазн тоифаси ғолиб ва совриндорлари номи маълум бўлди. 55 кг вазндаги курашчимиз Илҳом Баҳромов Осиё чемпионлиги учун япониялик Шиотани Юга қарши финалда гиламга чиқди.
Муросасиз кечган беллашувда Кунчиқар юрт вакили 17-7 ҳисобида ғалаба қозониб, Осиё чемпионига айланди. Баҳромов эса кумуш медални қўлга киритди. Илҳом финалга қадар тожикистонлик Асламжон Азизов ҳамда эронлик Соулат Поя Марзни мағлубиятга учратган эди.
Ўзбекистон спорт курашлари ассоциацияси матбуот хизмати
Ҳавола :
Манба : t.me/uzwrestling_official
Фикрлар