Баҳромов ва Ортиқбоев Осиё чемпионатининг бронза медали учун гиламга чиқади

Қитъа чемпионатининг илк куни юнон-рум кураши бўйича бешта вазн тоифасида саралаш беллашувлари ўтказилиб, финалга йўл олган ҳамда бронза медали учун курашадиган "классиклар" номи маълум бўлди. 

Бугун беш нафар курашчимиз баҳсларни бошлаганди. Улардан биргина Жалгасбай Бердимуратов финалга етиб келди. У олтин медаль учун беллашувда эронлик Насер Ғасем Ализадага қарши гиламга чиқади. 

-63 кг вазн тоифасидаги вакилимиз Исломжон Баҳромов муросасиз кечган ярим финал баҳсида қирғизистонлик Тинар Шаршенбековга 7-13 ҳисобида ютқазиб қўйди. Унинг бронза медали учун беллашувдаги рақиби ҳиндистонлик Нираж Нираж бўлади. 

-55 кг вазн тоифасидаги беллашувларда юртимиз шарафини ҳимоя қилаётган Жасурбек Ортиқбоев ҳам бронза медали учун баҳс олиб боради. Унинг рақиби кореялик Жеон Хю Кжин бўлади.