"Баркамол авлод-2017". Бокс баҳсларида ярим финалчилар маълум

Мусобақаларда бундан бир ой олдин Сурхондарёда ташкил этилган саралаш беллашувларида ғолиб бўлган боксчилар иштирок этдилар. 

Жумладан, Бухородан 5, Жиззахдан 4, Тошкент шаҳри, Сурхондарё, Самарқанд, Тошкент вилоятларидан 3, Андижон, Фарғона ва Сирдарёдан 2, Навоий ва Қашқадарё вилоятидан бир нафардан ёш боксчилар рингга чиқишди. Беллашувлар 49, 52, 56, 60, 64, 69, 75, 81 килограмм вазн тоифасида кечди.

Биринчи раунддаёқ ўз рақибимни енгиб, финал йўлланмасини қўлга киритдим, — дейди Жиззах вилояти вакили Самандар Холмуродов. — Бу спорт тури билан 7 йилдан буён шуғулланаман. Бир қатор республика ва халқаро миқиёсда ўтган чемпионатларда ғолибликни қўлга киритганман. "Баркамол авлод-2017” ҳам менга омад келтиришга ишноман.

Мусобақалар якунида ғолибларга дипломлар, қимматбаҳо ва эсдалик совғалар топширилди. Эртага финал беллашувлари бўлиб ўтади.