"Барселона" Мартинес билан шартномани узайтиради, Кристенсенни эса қўйиб юборади

33 ёшли футболчи билан амалдаги шартнома жорий мавсум охиригача амал қилади. Агар у клуб учун расмий ўйинларнинг 60 фоизидан кўпроғида ўйнаса, шартнома яна бир йилга узайтирилади.

Иньиго Мартинес ушбу мавсум "кўк-анорранглилар" сафида 16 та ўйин ўтказди. Агар жами 20 та ўйинда майдонга тушса, келишувнинг узайтирилиши таъминланади. Бироқ "Барса" битимнинг ушбу бандида кўрсатилганидан қатъи назар уни узайтириш ниятида.

Шу билан бирга, "Барселона" Андреас Кристенсенга умид боғламаётгани таъкидланган. Даниялик футболчи қишки ёки ёзги трансфер ойнасида жамоани тарк этади, унга АПЛ жамоалари қизиқиш билдирмоқда.