"Барселона" Салаҳ билан шартнома тузиш ғоясидан воз кечди

Бу ҳақда "Fichajes" маълумот тарқатди. 32 ёшли мисрликнинг "қизиллар" билан тузган шартномаси ёзда якунига етади ва томонларнинг келишувни узайтириш эҳтимоли кам дейилмоқда. Шу сабаб эркин агент мақомида шартнома имзолаши мумкин бўлган футболчига қатор клублар қизиқиш билдирмоқда.

"Кўк-анорранглилар" раҳбарияти Салаҳнинг келиши айнан унинг қанотида ўйнайдиган ёш юлдуз Ламин Ямалнинг ривожланишига тўсқинлик қилиши мумкин деб ҳисоблашмоқда. Кўп маош оладиган Салаҳни захира ўриндиғи учун олиш эса мантиқдан йироқ.