24 авг 14:38
Янгиликлар

Футбол

"Барселона"нинг асосий футболчиси мавсумнинг биринчи расмий ўйинида жароҳат олди

Тунда "Барселона" Ла Лиганинг 2-тури доирасида меҳмонда "Эльче"га қарши баҳс олиб борди.

Учрашув Каталония жамоасининг 5:0 ҳисобидаги ғалабаси билан якунланди. Бироқ, ўйин каталонияликларнинг мураббийлар штаби ва ишқибозлари учун нохуш янгилик билан якунланди. Жамоа ярим ҳимоячиси Гави учрашувнинг биринчи ярмидаёқ жароҳат сабабли майдонни тарк этишга мажбур бўлди.

Хабар қилинишича, хавбек ўнг тиззасида ноқулайлик ҳис қилган — айнан шу тиззасида Гави илгари икки марта жарроҳлик амалиётини бошдан кечирган эди. Футболчининг тикланиш муддатлари батафсил тиббий кўрикдан сўнг маълум бўлади.