14 ноя 16:34
Янгиликлар
Футбол
"Барселона"нинг январдаги бош мақсади маълум
Каталония клуби январдаги қишки трансферлар ойнасида бозорга ўнг қанот ҳимоячиси излаб киради.
Маълум қилинишича, молиявий чекловларни ҳам ҳисобга олган ҳолда, "кўк-анорранглилар" ушбу позицияни тўлдиришни устувор вазифа, деб ҳисобламоқда. Айниқса, Жерар Пикенинг фаолиятини тугатишидан кейин бу янада долзарблашди.
Клубнинг бу борадаги рўйхатига "Манчестер Юнайтед"нинг 23 ёшли футболчиси Диогу Далот (суратда), "Бавария"нинг 26 ёшли аъзоси Бенжамен Павар ва "Вильярреал"нинг 24 ёшли вакили Хуан Фойт киритилган.
Шунингдек, испан клуби "Жирона"да тўп тепувчи "Ла Масия" тарбияланувчиси Арнау Мартинесни нишонга олгани айтилмоқда. 19 ёшли футболчининг трансфери юқоридагиларникидан анча арзонга тушади ва у ҳам ҳимоя марказида, ҳам ўнг қанотда ўйнай олади.
Ҳавола :
Фикрлар