16 июн 18:38
Янгиликлар

Футбол

"Бавария" бугуноқ Бундеслига чемпионига айланиши мумкин

Бугун Германия Бундеслига 32-тур ўйинларига старт берилади.

Ханс-Дитер Флик жамоаси меҳмонда "Вердер" билан баҳс олиб боради. Ўйин Тошкент вақти билан соат 23:30да бошланади.

Агар мюнхенликлар бу ўйинда ҳам зафар қучишса, уларни таъқиб қилаётган Дортмунднинг "Боруссия" жамоасига ҳеч қандай имконият қолдиришмаган бўлади. Ҳозирда "Бавария"нинг ҳисобида 73 очко, дортмундликларда эса 66 очко бор. 34-тур сўнггиси бўлади.

Эслатиб ўтамиз, "Бавария" бунгача кетма-кет 7 бор Бундеслиганинг бош совринига эга чиққанди. Мюнхенликларнинг жорий мавсумдаги ғалабалари саккизинчиси бўлади.

→ Германия Бундеслигаси турнир жадвали ва тўпурарлар рўйхати