"Бавария”, "Ливерпуль” ва "Арсенал" Гордон учун даъвогарлик қилмоқда

Манба маълумотларига кўра, немис клуби 25 ёшли футболчининг вакиллари билан аллақачон боғланиб бўлган. Қайд этилишича, футболчига "Ливерпуль” ва "Арсенал" ҳам қизиқиш билдирмоқда. "Ньюкасл" Гордоннинг эҳтимолий савдосидан тахминан 90-100 миллион евро даромад олмоқчи.

Гордон 2023 йилдан бери "Ньюкасл" сафида ўйнамоқда. Футболчи 2025/26 йилги мавсум барча мусобақаларда 45 та ўйин ўтказиб, 17 та гол урди ва 5 та голли узатмани амалга оширди. Унинг клуб билан шартномаси 2030 йилнинг ёзига қадар мўлжалланган. Transfermarkt портали маълумотларига кўра, ҳужумчининг бозор қиймати 60 миллион еврони ташкил этади.