08 окт 10:31
Янгиликлар
Бокс/ММА
Бектемир Мелиқўзиев 4-раундда рақибини техник нокаутга учратди
Лас-Вегасда "Golden Boy" промоутерлик компанияси томонидан бокс оқшоми ташкил этилди.
Мазкур жанг оқшомида ҳамюртимиз Бектемир Мелиқўзиев ҳам рингга кўтарилди. Ушбу жангда Бектемирга америкалик Алантес Фокс рақиблик қилди.
10 раундга мўлжалланган жанг 4-раундда якунланди. Бектемирнинг зарбалар сериясидан сўнг Фокс қаршилик кўрсата олмади ва ҳакам техник нокаут қайд этиб, жангни якунлади.
Шу тариқа, Бектемир проф рингдаги 14-жангида 13-ғалабасини қўлга киритди (10 КО). У бир маротаба имкониятни бой бериб қўйган (1 КО).
Фокс учун эса бу 34-жанг бўлди. У жангларининг 28 тасида ғалабага эришган. (13 КО). Бугунги мағлубият Фокс учун фаолиятидаги 5-мағлубият бўлди. (3 КО). У шунингдек 1 та жангда дуранг қайд этган.
Шу тариқа Бектемир ўзининг WBA Intercontinental Super Middle камарини ўзида сақлаб қолди.
Ҳавола :
Манба : olamsport.com
Фикрлар