12 ноя 08:04
Янгиликлар

Бокс/ММА

Бектемир Мелиқўзиев Ўзбекистонга қайтмоқда + ФОТО

Бир неча кун олдин профессионал боксда навбатдаги жангини ўтказган Бектемир Мелиқўзиев Ўзбекистонга қайтиб келмоқда.

Маълум бўлишича, боксчимиз 14 ноябрдан 15 ноябрга ўтар кечаси соат 01:55да Истанбул орқали Тошкентга етиб келади. Аслида Мелиқўзиев 5 декабрь куни ҳам рингга чиқиши ва шундан кейин Ўзбекистонга қайтиши керак эди. Лекин марказий жанг иштирокчиси Кэмпбеллда коронавирус аниқлангани боис, шоунинг ўзи бекор қилинганди.

Эслатиб ўтамиз, Бектемир 31 октябрь куни АҚШда мексикалик Алан Кампага қарши жанг ўтказиб, рақибини нокаут эвазига мағлуб этганди. Айни пайтда АҚШда Баҳодир Жалолов, Муроджон Аҳмадалиев ва Элнур Абдураимов қолишмоқда. Катта эҳтимол билан йил сўнггига қадар улар иштирокидаги жанглар ташкил этилади. Исроил Мадримов эса бир неча кун олдин Тошкентга қайтиб келди.