22 фев 08:43
Янгиликлар

Бокс/ММА

Бектемир Мелиқўзиев WBA унга ваъда берганини айтди

Бугун Лас-Вегасдаги The Ring бокс оқшомида фаолиятидаги ўн еттинчи ғалабасини қўлга киритган чарм қўлқоп устамиз айни пайтда иккинчи ўрта вазн тоифаси рейтингида иккинчи ўринни эгаллаб турибди.

Ганалик Сена Агбекога қарши кечган баҳсда WBA Continental Americas камарини ҳимоя қилган Мелиқўзиев тез орада чемпионлик жангида рингга чиқишини таъкидлади. Ҳозирда WBA камари Хосе Армандо Ресендисга тегишли бўлиб турибди.

"Мен чемпионлик камари учун расмий ва мажбурий даъвогарман. WBA ташкилоти менга камар учун жанг ўтказишимга ваъда берди. Ресендис ҳозир камарини ҳимоя қилади. Ўша жангда ким ғалаба қозонса, мен ғолиб боксчига қарши чемпионлик камари учун рингга чиқаман", - деди Мелиқўзиев.