Бекзод Абдураҳмонов энди фақат ММАда жанг қиладими?

Абдураҳмоновга ММА спорт тури бегона эмас. У аралаш яккакураш спорт турида бугунга қадар саккизта жанг ўтказган ҳамда барчасида ғалаба қозонган.

Хўш, спортчимиз эндиликда фақат ММАда жанг қиладими? Бу саволга унинг рафиқаси, Ўзбекистон таэквондо WT терма жамоаси собиқ аъзоси Нигора Турсунқулова Instagram'даги саҳифаси орқали жавоб берди:

"Йўқ. Курашни тўхтатганлари йўқ. Худо хоҳласа, яқин кунларда мусобақаларда кўрасизлар, Ин Ша Аллоҳ! Олдимизда муҳим йил турибди", - деб ёзиб қолдирган Турсунқулова.

Эслатиб ўтамиз, Бекзод Абдураҳмонов эркиш кураш бўйича жаҳон чемпионати икки карра бронза медали соҳиби, икки карра Осиё чемпиони ҳамда икки карра Осиё ўйинлари ғолибидир. Ҳамюртимиз айни дамда АҚШдаги Harvard университетида ҳам фаолият юритади.