Бекзод Абдураҳмонов: "Курашчи бўлмаганимда, футбол билан шуғулланар эдим"

Olamsport.com сайти муҳбири Диёр Мавлонов эркин ва юнон-рум курашлари бўйича Ўзбекистон биринчилиги давомида Токио Олимпиадаси совриндори Бекзод Абдураҳмонов билан қисқа интервью ташкил этди.

— Биламизки, сиз Токиода бронза медалини қўлга киритдингиз. Парижда эса сиздан олтин кутишимиз табиий. Навбатдаги Олимпиадага эса уч йилдан камроқ вақт қолмоқда, сизнинг тайёргарлигингиз қай даражада кетмоқда?

— Тайёргарликлар яхши даражада, айнан бугунги мусобақа ҳам қайсидир маънода Олимпиада учун тайёргарлик ҳисобланади. Чунки, ҳақиқатдан ҳам навбатдаги Олимпиада бошланишига уч йилдан камроқ вақт қолмоқда.

— Сизнинг ҳам шогирдларингиз борми, улар ҳозир мусобақада иштирок этяптими?

— Йўқ, ҳозир ўзим шу спорт тури билан мунтазам равишда шуғулланиб, мусобақаларга тайёргарлик кўраётганим сабабли, шогирдим йўқ.

— Бекзод Абдураҳмоновнинг спортдаги ва ҳаётдаги энг олий мақсади...

— Спортдаги энг олий мақсадим, Олимпиадада олтин ютиш, ҳаётда эса халқимизга чин дилдан хизмат қилишдир.

— Агар, Бекзод Абдурахмонов курашчи бўлмаганида, биз уни қайси касб эгаси сифатида кўрар эдик?

— Мен футболни ҳам яхши ўйнай оламан. Менимча, футболчи бўлар эдим.

— Бекзод ака жавобларингиз учун раҳмат. Келгуси ишларингизда омад.

— Сизга ҳам омад.