19 сен 14:33
Янгиликлар
Спорт курашлари
Бекзод Абдураҳмонов Навоийда ёш курашчилар билан учрашди + ФОТО
Токио-2020 Олимпиадаси совриндори, тажрибали эркин курашчимиз Бекзод Абдураҳмонов ҳамда жаҳон чемпионатининг бронза медали соҳиби Ҳасанбой Раҳимов Навоийда меҳмон бўлишди.
Эркин кураш бўйича терма жамоамиз аъзолари Навоий шаҳридаги Яккакураш турларига ихтисослаштирилган болалар ва ўсмирлар спорт мактаби залида бўлиб, у ерда эркин, юнон-рум ва аёллар кураши билан шуғулланаётган ёшлар билан учрашишди.
Бекзод Абдураҳмонов Токио-2020 Олимпиадасидаги иштироки ҳақида гапирар экан, ёшларга ўз мақсадларига эришиш йўлида астойдил меҳнат қилиш лозимлигини, устозларининг айтганларини сўзсиз бажаришлари кераклигини уқтирди. Ҳар иккала курашчимиз болаларни қизиқтирган саволларга атрофлича жавоб беришди.
Ҳавола :
Манба : olamsport.com
Фикрлар