13 апр 11:44
Янгиликлар

Бокс/ММА

Белал Муҳаммад: "Чимаев ва Коста UFC камари учун жанг қилади"

UFC собиқ чемпиони Белал Муҳаммаднинг фикрича, Хамзат Чимаев ва Пауло Коста ўртасидаги жанг ярим оғир вазн (93 кг гача) тоифасида бўлиб ўтиши мумкин.

"Ўйлайманки, охир-оқибат Хамзат ва Коста октагонда тўқнаш келади. Фақат бунинг учун Чимаев аввал Шон Стриклендни мағлуб этиши керак. Шундан кейин 93 кг вазн тоифасидаги вакант чемпионлик камари учун жанг қилади", - деб ёзди Муҳаммад Х (собиқ Twitter) ижтимоий тармоғида.

Эслатиб ўтамиз, Майамида (АҚШ) бўлиб ўтган UFC 327 турнирида Коста россиялик Азамат Мурзакановни нокаутга учратиб, ярим оғир вазн тоифасида дебют қилган эди. Чимаев 10 май куни Ньюаркда бўлиб ўтадиган UFC 328 турнирида собиқ чемпион америкалик Шон Стриклендга қарши жанг қилади.