UZ

15 июн 18:26
Янгиликлар

Кураш

Белбоғли кураш. Ғиждувонда мамлакат чемпионати старт олди

Бугун Бухоро вилояти Ғиждувон туманидаги болалар-ўсмирлар спорт мактабида миллий белбоғли кураш бўйича 2004-2005 йилларда туғилган ўғил болалар ва қизлар ўртасида Ўзбекистон чемпионатига старт берилди.

Ўзбекистон Республикаси жисмоний тарбия ва спорт вазирлиги ҳамда Ўзбекистон миллий белбоғли кураш федерациясининг йиллик тақвим-режасидаги мазкур мамлакат чемпионатида Қорақалпоғистон Республикаси, Тошкент шаҳри ва барча вилоятлардан 250 нафарга яқин спортчилар иштирок этишмоқда. 

Мусобақада ўғил болалар эркин ва классик йўналишларда ўн битта вазн тоифаларида, қизлар эса эркин йўналишда еттита вазн тоифасига кўра куч синашишмоқда. Шунингдек, бугун чемпионатнинг тантанали очилиш маросими ҳам ташкил этилди. Беллашувлар 16 июнгача давом этади. 

Тошкент ЯХШИБОЕВ, Ўзбекистон миллий Белбоғли кураш федерацияси ҳакамлар ҳайъати раиси

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг