Белбоғли кураш. Полвонларимиз Жаҳон Кубогида кучли учликдан жой олишди

Қувонарлиси, мазкур жаҳон кубоги беллашувларида мамлакатимиз белбоғли курашчиларидан иборат терма жамоа ҳам иштирок этиб, ижобий натижаларни қайд этди. 

Ўттизга яқин давлатдан сара спортчилар иштирокидаги мусобақанинг биринчи кунида терма жамоамиз бош мураббийи Шавкат Мирзақулов ҳамда ёрдамчи мураббий Сергей Тхаклар қўл остидаги полвонларимиздан Сарвар Икромов 100 кг. вазн тоифасида олтин медални қўлга киритди. Иккинчи кунги жамоавий беллашувларда вакилларимиз матонат кўрсатиб, кучли учликка киришга муваффақ бўлди ва бронза медалларига эгалик қилишди. 

Мусобақа доирасида тантанали тақдирлаш маросими ташкил этилди. Унда спорт делегациямизга раҳбарлик қилган Ўзбекистон белбоғли кураш федерацияси раиси Равшан Дастиров ҳамда халқаро тоифадаги ҳакам Элмурод Абдуллаев Бошқирдистон Республикаси спорт вазири Руслан Хабибов томонидан белбоғли курашни ривожлантиришга қўшаётган ҳиссаси учун ташаккурнома билан тақдирланди. 

Шунингдек, ушбу  жаҳон кубоги мусобақасида бош ҳакамлик вазифасини бажарган ҳамюртимиз Элмурод Абдуллаевга йил давомида белбоғли кураш бўйича ўтказилган жаҳон чемпионати, халқаро турнирлар ва кубок беллашувларида одилона ҳакамлик қилгани учун "Йилнинг энг яхши халқаро тоифадаги ҳаками-2025" ("The Best Referee-2025") номинацияси ғолиблиги ҳам насиб этди. 

Бундан ташқари, спортчимиз Бекзод Абдураҳмонов "Юқори техника соҳиби" номинациясига лойиқ кўрилди. 

Илҳом РАҲМОНОВ тайёрлади