Белбоғли кураш устаси Мардонбек Кимсанбоев 4 йилга дисквалификация қилинди

Бу ҳақида мазкур чемпионатда допинг-назоратини амалга оширган ITA Ҳалқаро тестлаш агентлиги ҳабар берди. Ушбу мусобақа давомида спортчидан олинган допинг-синамасида анаболик стероидлар гуруҳига мансуб «кленбутерол» тақиқланган модда аниқланган. Дисквалификация муддати 2020 йил 7 февралдан бошлаб 2024 йил 6 февралга қадар давом этади. Шунингдек, М.Кимсанбоевга берилган медал ҳамда рейтинг баллари олиб қўйилади.