Белбоғли курашчиларимиз БРИКС ўйинларига йўл олишяпти

Мазкур комплекс мусобақа дастуридан белбоғли кураш (татар корэши, борьба на поясах) спорт тури ҳам ўрин олган. Осиё белбоғли кураш конфедрацияси раиси Мўмин Муротов, Ўзбекистон белбоғли кураш федерацияси раиси Равшан Дастиров бошчилигидаги дастлабки 14 нафар мураббий ва полвонларимиз Ислом Каримов номидаги Тошкент халқаро аэропортидан Қозон шаҳрига жўнаб кетишди.  

Таъкидлаш жоиз, корэш беллашувларига 20 июнда старт берилади. Бундан ташқари белбоғли кураш бўйича терма жамоа бош мураббий Шавкат Мирзақулов ҳамда федерация спорт директори Сардор Дастиров раҳбарлигидаги 20 нафар спортчилармиз ҳам 

20 июнь куни Қозон шаҳрига йўл олишади ва 22 июнь куни БРИКС ўйинлари дастуридаги  белбоғли кураш (борьба на поясах) бўйича баҳсларда ватанимиз шарафини ҳимоя қилишади. 

Шунингдек, Қозон шаҳрида 23-24 июнь кунлари белбоғли кураш бўйича ёшлар ва катталар ўртасида жаҳон чемпионати ҳам бўлиб ўтади. Бугун ушбу жаҳон чемпионатида иштирок этиш учун эса 10 нафар ёшлардан иборат терма жамоамиз (мураббийи Жамолиддин Бозоров) Фарғона аэропортидан Қозон шаҳрига учишади. 

Илҳом РАҲМОНОВ тайёрлади