Белинда Бенчичнинг Аделаидадаги юриши давом этмоқда

Сайёрамизнинг еттинчи рақамли теннис маликаси Белинда Бенчич чорак финал иштирокчисига айланди. Швейцариялик теннисчи иккинчи давра учрашувида рейтингнинг 38-поғонасидан жой олиб турган германиялик Юлия Гёргесни қийинчилик билан мағлуб этди - 7/6(6), 7/6(4).

Ушбу баҳс 1 соату 49 дақиқа давом этган. Бу вақт оралиғида 22 ёшли Бенчич 6, 30 яшар Гёргес эса 12та эйс зарбасини амалга оширди. Теннисчиларнинг ўзаро учрашувларидаги ҳисоб тенглашди - 2:2. Энди Белинда Adelaide International турнирининг 1/4 финалида америкалик Даниэль Коллинзга қарши кортга чиқади.