15 окт 17:09
Янгиликлар

Бокс/ММА

"Bellator" президенти: "Емельяненко барча даврларнинг энг яхши спортчиси"

"Bellator" промоушени президенти Скотт Кокер Федор Емельяненкони жаҳон спорти тарихидаги энг яхши спортчилардан бири деб ҳисоблайди.

"У ниманидир исботлаши шарт эмас. Федор ўзига ёққани учун жанг қилишда давом этмоқда. Турнир ғолиби бўлиш учун унда кучли истак бор. Агар буни амалга ошира олса у учун хурсанд бўламан.

Федор жанглар учун кўп йилини баҳш этган, буни барча билади. Ўз вақтида "Pride" қироли бўлган. Кейин эса "Strikeforce"да жанг қилган. Энди эса у "Bellator"да. У барча даврларнинг энг яхши спортчиси эканлигини исботлаб бўлган", - деди Кокер.

Эслатиб ўтамиз, Федор Емельяненко 26 январь куни "Bellator" Гран-Приси финалида Райан Бэйдерга қарши жанг қилади.