Бетербиев Бивол билан жанг қилиши мумкин

Бу ҳақда Бетербиевнинг мураббийи Марк Рэмзи гапириб берди. Мураббийнинг сўзларига кўра, агар Бивол 1 майда Крейг Ричардсни  мағлуб этса, бирлаштирувчи жанг ўтказилиши мумкин. 

"Ҳа, биз бирлаштирувчи жангдан манфаатдормиз. Кимга қарши эканлиги муҳим эмас. Бу Бивол - Ричардс жанги ғолиби ёки Власов - Смит жанги ғолиби бўлади ", - дея Рэмзининг сўзларини келтиради ТАСС.

Эслатиб ўтамиз, 20 март куни Артур Бетербиев германиялик Адам Дейнесни мағлуб этган эди. Россиялик боксчи 10-раундда техник нокаут билан ғалаба қозонди. Ҳакам рақиб чуқур нокаутга учраганидан сўнг жангни тўхтатди. Шу билан бирга, Дейнес биринчи раундда йиқитилди, аммо курашни давом эттиришга муваффақ бўлди. Бетербиев учун ушбу баҳс 2019 йил октябрь ойидан бери биринчи учрашув бўлди. 

У украиналик Олександр Гвоздикни нокаутга учратиб, WBC камарини ундан тортиб олганди. Умуман олганда, у профессионал боксда 16 та жанг ўтказган ва унда 16 та ғалабани қўлга киритган.