Билал Махов допинг жавобини кутмоқчи эмас

Эркин кураш бўйича Олимпия ўйинларининг кумуш медали соҳиби, уч карра (2007, 2009, 2010) жаҳон чемпиони, жаҳон чемпионатларининг кумуш (2011) ва бронза (2015) медаллари совриндори, Европа чемпиони (2010), юнон-рим курашида жаҳон чемпионатининг бронза (2014, 2015) медали эгаси ҳисобланган россиялик спортчи шу йилнинг февраль ойида допинг аниқланган эди. 

Аниқроғи, Россия антидопинг агентлиги (РУСАДА) томонидан февраль ойида ўтказилган текширувда Маховнинг қон таркибида бўйни ўстирадиган гормон аниқланган. У январь ойида рейтинг очколарини берувчи Рим турнири финалида 32 ёшли Билал эронлик рақибига ютқазиб қўйганди. 

Гарчи спортчини 4 йиллик дисквалификация кутаётган бўлса-да, у таслим бўлмоқчи эмас. Махов допинг қоидаларига хилоф иш қилмаганини айтмоқда. РУСАДА ҳали якуний қарорни эълон қилмаган.