Билли Жо Сондерс: Канело ҳеч қачон лўли билан жанг қилмаган

Бундай ишончга сабаб, нафақат боксдаги иқтидор, балки Сондерснинг келиб чиқиши лўли эканлидадир.

"Канело ҳеч қачон, ишонинг ҳеч қачон лўли билан жанг қилмаган. Мени ичимда шундай олов борки, мен ғалаба учун ўлишга ҳам тайёрман. 

Канело ва Каллум Смитнинг жангини кўрганим йўқ. Жангнинг айрим жойларини томоша қилдим. Бу жангга Каллум Смит қисқа муддатда рози бўлиб, фақатгина ўзига керакли пулни олишни мақсад қилгандек туюлди. Шу сабабли, мен бу жангни кўрмадим. Мен фақат ғалаба учун рингга чиқувчи боксчиларнинг жангини томоша қиламан. 

Албатта, мен беш йилдан бери бокс тушаман. Агар Канелони ҳозир мағлуб қилмасам, бошқа ҳеч қачон бунинг иложи бўлмайди. Бунинг учун мукаммал жанг ўтказишим лозим. Мен буни жуда яхши тушунаман. 

Енгилмаслар йўқ. Ҳар қандай рақибни мағлуб қилса бўлади. Биз шунчаки инсонлармиз", - деди Билли Жо Сондерс.