11 апр 12:41
Янгиликлар
Теннис
Billie Jean King кубоги. Хитойга иккинчи учрашувни ҳам бой бердик
Пойтахтимизда нуфузли Billie Jean King кубогининг Осиё ва Океания биринчи гуруҳидан ўрин олган ўйинлар давом этмоқда.
Ҳозиргина Ўзбекистон ва Хитой аёллар терма жамоалари ўртасидаги иккинчи яккалик учрашуви ҳам якунига етди. Унда WTA рейтингида 991-поғонада бораётган ҳамюртимиз Севиль Юлдашева рейтинги йўқ Женг Ву Шуангга қарши кортга чиқди.
2020 йилдан бери расмий мусобақаларда иштирок этмаётган, фаолиятида давомида WTA рейтингида 430-ўрингача кўтарила олган Женг 55 дақиқа давом этган ушбу баҳсда 6/0, 6/1 ҳисобида зафар қучиб, Хитойга муддатидан аввал ғалабани тақдим этди.
Бироздан сўнг бошланадиган жуфтликлар учрашувида ҳамюртларимиз Мафтунабону Қаҳрамонова ва Оминахон Валиханова ҳамкорлиги хитойликлар Жианг Ксиню ҳамда Янг Жао Хуан тандемига қарши баҳс олиб боради.
Ҳавола :
Манба : olamsport.com
Фикрлар