26 дек 07:03
Янгиликлар
Гимнастика
Бир гуруҳ гимнастика фидойиларига “Ўзбекистон спорт фахрийси” кўкрак нишони топширилди
Янги йил байрами арафасида Ўзбекистон спорт фахрийлари кенгаши ўзбек гимнастикаси ривожига ҳисса қўшган бир гуруҳ фахрийларни тақдирлади.
Ўзбекистон Миллий Олимпия қўмитасида ўтган тадбирни Кенгаш раиси Баҳодир Махситов олиб борди ва ҳукуматимизнинг ҳар бир аҳоли қатлами қатори фахрийларимизга кўрсатаётган эътибори ҳақида тўхталиб ўтди.
Тадбир давомида фахрийларимиз ҳозирда давлатимиз томонидан ёшларимиз учун яратиб берилаётган шароитларни аввалги давр билан солиштириб, ҳозирги авлод том маънода улкан имкониятлар замонида яшаётганини таъкидлашди.
Шундан сўнг узоқ йиллар спорт гимнастикаси, трамполин ва акробатика йўналишида спортимиз ривожига ҳисса қўшган 9 нафар фидойиларга “Ўзбекистон спорт фахрийси” кўкрак нишони топширилди. Саломатлиги ва баъзи сабаблар билан ушбу тадбирга кела олмаганларга мукофотлари етказиб берилиши таъкидланди.
Ҳавола :
Манба : olympic.uz
Фикрлар