Бироз аввал Гонконгда чемпион бўлган қозоғистонлик теннисчи Топ-10 рейтингида дебют қилади

Бу муваффақият унга фаолиятида илк бор ATP рейтингининг Топ-10`талигида дебют қилиш имконини беради. Айни пайтда қозоғистонлик теннисчи 11-ўринни эгаллаб турибди. Бублик ҳал қилувчи финал учрашувида дунёнинг еттинчи ракеткаси Лоренцо Музеттини мағлуб этишни уддалади - 7/6(2), 6/3.

Италиялик теннисчи ҳам янгиланадиган рейтингда Топ-5`га кўтарилади. Александр теннисчиларнинг ўзаро учрашувлари ҳисобида олдинда бормоқда - 3:1. Тўқсон саккиз дақиқа давом этган баҳсда Бублик 10, Музетти 5 та эйс зарбасини амалга оширган. 

Александр Бублик Гонконг турниридаги меҳнатидан 250 рейтинг очкоси ҳамда 106 460 АҚШ доллари миқдорида мукофот пули ишлаб олди. Музетти эса кетма-кет еттинчи финалида ҳам мағлубиятга учради ("Челленжер" турнирларни ҳам қўшса тўққизинчи финалда ютқазди); у 2022 йилдан бери чемпион бўла олмаяпти. Италиялик теннисчи 165 очко ва 62 115 долларга эга бўлди.