Бивол "Россияда хизмат кўрсатган спорт устаси" унвони билан тақдирланди

Яримоғир вазнда WBA йўналиши бўйича жаҳон чемпиони Дмитрий Бивол "Россияда хизмат кўрсатган спорт устаси" унвони билан мукофотланди. Бу ҳақда Санкт-Петербург маъмурияти матбуот хизмати хабар берган.

"Бу унвон сизнинг меҳнатингиз, ғалаба қозониш истагингиз, тинимсиз машғулотингиз ва рингдаги ёрқин жангларингизга берилган юксак баҳодир. Ишончим комилки, сизни янги ғалабалар кутиб турибди", - деб айтиб ўтган Санкт-Петербург губернатори Александр Беглов Биволга кўкрак нишонини топшириш чоғида.