"Биз бу операни бир неча марта кўрганмиз". Оливейра — Топуриянинг "трэш-ток"лари ҳақида гапирди

Уларнинг жанги 29 июнь куни Лас-Вегасда (Невада штати, АҚШ) UFC 317 турнирида бўлиб ўтади.

"У нималарни гапираётгани мен учун аҳамиятсиз. 29 июнь куни юзма-юз учрашганимизда нима бўлишини Яратгандан бошқа хеч ким билмайди. Мен Илия учун ҳам, менга қарши чиқадиган ҳар қандай жангчи учун ҳам жиддий муаммоман. Қўлларимда куч бор ва ажойиб жиу-житсу кўникмаларига эгаман.

Топурия ёки бошқа ким нима деса ҳам фарқи йўқ. Биз бу операни кўп марта кўрганмиз. Улар кўп гапиришган, натижа нима бўлганини эса яхши биласизлар — менинг қўлим кўтарилган", — деди Оливейра.