29 апр 18:02
Янгиликлар

Футбол

"Блэкпул" Чемпионшипдан тушиб кетди

Чемпионшипнинг 45-турида "Блэкпул" "Миллуолл"га 2:3 ҳисобида имкониятни бой берди.

Меҳмонлар таркибида Том Брэдшоу дубль қайд этди, Зиан Флемминг ҳам пенальтини голга айлантирди. Мезбонларнинг голларига Льюис Фиорини ва пенальтидан гол урган Йейтс Жерри муаллифлик қилишди.

"Блэкпул" Англиянинг иккинчи дивизионидаги ўрнини сақлаб қолиш имкониятини йўқотди. Жамоа ҳисобида 41 очко мавжуд ва у сўнгги ўринлардан бири, 21-поғонада жойлашган "Хаддерсфилд"да эса 44 очко бор. "Миллуолл" 5-поғонада ва плей-офф орқали АПЛга чиқишга даъвогарлик қилмоқда.

"Блэкпул" қайтганидан икки мавсум ўтиб Чемпионшипдан тушиб кетди. 2010/11 йилги мавсумда жамоа АПЛда ўйнаган.