Блицда чемпион бўлган Абдусатторов бугун классик йўналишни Гирига қарши баҳс билан бошлайди

Мукофот жамғармаси 2 500 000 Норвегия кронасини (тахминан 225 минг АҚШ доллари) ташкил этувчи мазкур турнирда ҳамюртимиз Нодирбек Абдусатторов ҳам муваффақиятли иштирок этяпти. Кеча мусобақа доирасида ўтказилган блиц баҳсларида Нодирбек 9 имкониятдан 6 очко тўплаб, турнир чемпионига айланди. 

Абдусатторов Магнус Карлсен (Норвегия), Алиризо Фируджа (Франция), Хикару Накамура (АҚШ), Аниш Гири (Нидерландия), Уэсли Со (АҚШ), Фабиано Каруана (АҚШ), Шахриёр Мамедьяров (Озарбайжон) сингари таниқли гроссмейстерларни ортда қолдиришга муваффақ бўлди. 

Бугун Норвегия турнирила классик баҳслар бошланади. Рапид йўналишида жаҳон чемпиони ҳисобланган Нодирбек 1-турда оқ доналарда нидерландиялик Аниш Гири (2768) билан ҳисоб-китоб қилади. 

1-тур жуфтликлари:

Алиризо Фируджа (Франция, 2785) - Гукеш (Ҳиндистон, 2732)

Шахрияр Мамедьяров (Озарбайжон, 2738) - Арян Тари (Норвегия, 2642) 

Нодирбек Абдусатторов (Ўзбекистон, 2731) - Аниш Гири (Нидерландия, 2731)

Фабиано Каруана (АҚШ, 2764) - Магнус Карлсен (Норвегия, 2853) 

Уэсли Со (АҚШ, 2760) - Хикару Накамура (АҚШ, 2775)